🚨POLICIA NËN LUPËN E AMP – 8 POLICË TË ARRESTUAR DHE 54 TË REFERUAR NË PROKURORI.

Çfarë po ndodh brenda uniformave blu?

Bilanci i Agjencisë së Mbikëqyrjes Policore për muajin korrik ngre një seri pikëpyetjesh serioze për integritetin dhe kontrollin e brendshëm në Policinë e Shtetit.

Gjatë vetëm një muaji, AMP raporton 11 persona të arrestuar, 8 prej tyre punonjës policie, ndërsa në Prokurori janë referuar 54 punonjës policie për nisjen e hetimeve. Nga këta, 15 janë të nivelit të parë drejtues dhe 39 të nivelit zbatues. 

BPor shifra më e rëndësishme nuk është vetëm numri.

14 çështje lidhen me shpërdorimin e detyrës, ndërsa 25 raste me veprime arbitrare, dëmtime me dashje dhe kanosje. Janë trajtuar gjithashtu 111 ankesa të qytetarëve. 

Kjo nuk do të thotë se 54 punonjës janë fajtorë. Hetimi penal dhe vendimi i gjykatës janë ato që përcaktojnë përgjegjësinë.

Por si ekspert sigurie, pyetja që duhet bërë është tjetër:

A kemi të bëjmë me raste të izoluara të korrupsionit dhe abuzimit me detyrën, apo këto shifra tregojnë një problem më të thellë të integritetit institucional?

Policia është institucioni që ka monopolin ligjor të përdorimit të forcës dhe që çdo ditë ndërhyn drejtpërdrejt në lirinë, sigurinë dhe të drejtat e qytetarëve. Prandaj, një punonjës policie që abuzon me detyrën nuk është thjesht një individ që shkel ligjin; ai dëmton besimin e qytetarit tek i gjithë institucioni.

AMP – roli i saj është vendimtar

Në këtë pikë, Agjencia e Mbikëqyrjes Policore ka një rëndësi strategjike.

AMP duhet të jetë mekanizmi që kontrollon kontrolluesit: të hetojë korrupsionin, shpërdorimin e detyrës, abuzimin me autoritetin dhe shkeljet e rënda të punonjësve të strukturave të sigurisë.

Por AMP nuk duhet të shndërrohet vetëm në një institucion që arreston policë.

Duhet të identifikojë modelin:

• Ku ndodh më shumë korrupsioni?
• Në cilat struktura?
• Në cilat nivele drejtuese?
• Cilët janë faktorët që favorizojnë abuzimin?
• A ka raste ku drejtuesit kanë toleruar ose mbuluar shkeljet?
• Sa raste përfundojnë me dënim dhe sa me pushim?
• Çfarë ndodh me pasurinë e punonjësve që dyshohen për korrupsion?
• A funksionon realisht kontrolli i brendshëm i Policisë?

Problemi nuk është vetëm “polici i korruptuar”

Problemi më i madh do të ishte nëse një strukturë policore krijon kulturë tolerance ndaj shkeljes.

Një polici profesionale nuk matet vetëm me numrin e arrestimeve që kryen ndaj kriminelëve, por edhe me aftësinë për të pastruar veten nga abuzimi, korrupsioni dhe lidhjet me krimin.

Prandaj shifrat e AMP-së duhet të shërbejnë si një alarm për Policinë e Shtetit, Ministrinë e Brendshme dhe Prokurorinë:

Jo për të goditur imazhin e Policisë, por për të mbrojtur Policinë nga ata që dëmtojnë uniformën.

Sepse qytetari duhet të ketë një bindje të thjeshtë:

Kur polici shkel ligjin, ligji duhet të jetë edhe më i fortë ndaj tij.

BALKAN FOCUS

Siguria në fokus – pa kompromis me faktet.