Pushteti Lokal dhe Reforma !

“Shqipërisë nuk i duhet thjesht një hartë e re administrative. I duhet një model më i mirë qeverisjeje.”

Reduktimi i numrit të bashkive nga 61 në 46 mund të sjellë kursime administrative dhe një përqendrim më të madh të burimeve financiare. Por pyetja kryesore nuk është sa bashki kemi, por sa pranë qytetarit është pushteti vendor.

Unë besoj se e ardhmja duhet të jetë decentralizimi, jo centralizimi. Një pushtet lokal i fortë nuk matet me madhësinë e territorit që administron, por me aftësinë për t’u shërbyer qytetarëve.

Për këtë arsye, edhe Tirana duhet të rishikohet. Një qytet me këtë përmasë nuk mund të drejtohet në mënyrë efikase nga një superkryetar i vetëm. Ajo duhet të ndahet në minibashki, me kompetenca reale dhe me drejtues që zgjidhen drejtpërdrejt me votën e qytetarëve, jo administratorë të emëruar.

Kur vendimmarrja është më afër qytetarit:

• rritet përgjegjshmëria;

• përmirësohen shërbimet;

• forcohet demokracia lokale;

• qytetarët kanë më shumë mundësi të kërkojnë llogari.

Reforma administrative nuk duhet të synojë vetëm uljen e kostove, por ndërtimin e një sistemi ku pushteti shpërndahet, qytetari dëgjohet dhe komunitetet vendosin për zhvillimin e tyre.

Një shtet modern nuk ndërtohet duke grumbulluar pushtetin në qendër, por duke e ndarë atë sa më pranë qytetarëve.